وزيراعظم شهباز شريف چيو آهي ته پنجاب جي ترقي جو جيڪو سفر مسلم ليگ (ن) شروع ڪيو هو، گذريل حڪومت ڄاڻي واڻي بند ڪيو، مسلم ليگ ن جي حمايت جو بدلو پنجاب جي عوام کان ورتو ويو.
لاهور ۾ جاري ترقياتي ڪمن بابت اجلاس ۾ خيالن جو اظهار ڪندي وزيراعظم شهباز شريف چيو ته گذريل حڪومت جي 4 سالن ۾ پنجاب کي نااهل ۽ ڪٺ پتلي وڏي وزير حوالي ڪيو ويو.
هن چيو ته لاهور ۾ نون منصوبن کانسواءِ اسان جا شروع ڪيل منصوبا بند رکيا ويا.
شهباز شريف جو چوڻ آهي ته وفاق ۾ وڏي وزير جي عهدي کي سياسي ڌانڌلي لاءِ استعمال ڪيو پيو وڃي.
اجلاس ۾ وزيراعظم جي صلاحڪار، پنجاب جي نگران وڏي وزير ۽ ٻين شرڪت ڪئي، اماميه ڪالوني فلائي اوور منصوبي بابت تفصيلي بريفنگ ڏني وئي.
وزيراعظم شهباز شريف عوام جي استعمال لاءِ منصوبي کي جلد مڪمل ڪرڻ جي هدايت ڪئي.
