بغلان: افغانستان جي صوبي بغلان ۾ آپريشن جي نتيجي ۾ 6 طالبان مارجي ويا جڏهن ته 4 ڄڻا زخمي ٿي پيا. افغان ميڊيا موجب افغانستان جي صوبي بغلان ۾ سيڪيورٽي فورسز آپريشن ڪندي 6 افغان طالبان کي ماري ڇڏيو، ان دوران 4 طالبان زخمي به ٿي پيا، مارجي ويلن ۾ طالبان جا ٻه اهم ماڻهو به شامل هئا. بغلان پوليس چيف موجب طالبان هاءِ وي تي قبضو ڪري ورتو هو، جنهن کي ڇڏائڻ لاءِ آپريشن ڪيو ويو جنهن ۾ اسان کي ڪاميابي به ملي، آپريشن جي نتيجي ۾ طالبان پوئتي هٽي ويا ۽ هاءِ وي کي ڪليئر ڪيو ويو آهي، هن چيو ته هاءِ وي تي 6 چوڪيون قائم ڪيون ويون آهن ۽ پوليس ٽيم باقاعده پيٽرولنگ ڪندي.
