پ پ چيئرمين بلاول ڀٽو زرداري چيو آهي ته هيءَ تحريڪ انصاف جي پهرين ۽ آخري حڪومت آهي، جيالا تيار ٿي وڃن، پنهنجي جدوجهد ڪن.
سکر ۾ ڪارڪنن سان خطاب ڪندي بلاول ڀٽو زرداري چيو ته پ پ اڪيلي جماعت آهي، جيڪا هن نااهل حڪومت جو مقابلو ڪري رهي آهي، اسان نه ڪالهه پاڪستان جي عوام کي مصيبت ۾ ننڌڻڪو ڇڏيو هو ۽ نه اڄ ڇڏينداسين.
هن چيو وفاقي حڪومت کي واضح پيغام ڏيڻ چاهيون ٿا ته ايترو ظلم ڪيو جيترو سَهي سگهو، نيازي صاحب ٻڌايو ڪيترا ڏينهن جيل ۾ رهي ٿا سگهو؟ تمام جلد جيالن جو دور اچي رهيو آهي، سِرَ جو جواب پٿر سان ڏينداسين، جيالا تيار ٿي وڃن، جدوجهد ڪن.
