مسلم ليگ نون جي نائب صدر مريم نواز ايون فيلڊ ريفرنس ڪالعدم قرار ڏيڻ لاءِ اسلام آباد هاءِ ڪورٽ ۾ هڪ متفرق درخواست داخل ڪئي آهي.
مريم نواز طرفان داخل ڪيل درخواست ۾ چيو ويو آهي ته انکي ان ريفرنس ۾ سزا پوليٽيڪل انجنيئرنگ ۽ قانون جي سنگين ڀڃڪڙين جو ڪلاسيڪل مثال آهي. سپريم ڪورٽ ڪيس جي جاچ کي سپروائيز ڪيو، هڪ طريقي سان ان ڪيس ۾ سڄي عمل تي ضابطو ئي ڪري ورتو.
درخواست ۾ موقف اختيار ڪيو ويو آهي ته سپريم ڪورٽ جو آئين ۾ ڪردار نه جاچ ڪندڙ جو آهي ۽ نه ئي پراسيڪيوٽر جو، شريف خاندان خلاف ڪيسن تي اثر انداز ٿيڻ جو ثبوت ارشد ملڪ جي وڊيو به آهي.
درخواست ۾ وڌيڪ چيو ويو آهي ته جج احتساب عدالت جي نوٽيس ۾ اهي حقيقتون ڇو نه آيون؟ اها ته انهن کي ئي خبر هوندي.
واضح رهي ته احتساب عدالت ايون فيلڊ ريفرنس ۾ اڳوڻي وزيراعظم نواز شريف کي 11 ۽ ان جي ڌيءَ مريم نواز کي 8 جڏهن تي نِياڻَي ڪيپٽن (ر) صفدر کي هڪ سال جي سزا ٻڌائي آهي.
