لياري گينگ وار جي جوابدار ڪامران کي جيل ۾ تشدد ڪرڻ جي ڪيس ۾ جوابدار جا وارث سنڌ هاءِ ڪورٽ ۾ پيش ٿي ويا.
جوابدار ڪامران جي پيءَ سنڌ هاءِ ڪورٽ ۾ پيش ٿي ٻڌايو ته منهنجي پٽ کي جيل ۾ سخت تشدد ڪري چريو ڪيو ويو آهي، هاڻ نه هو ٻڌي سگهي ٿو ۽ نه ڳالهائي سگهي ٿو.
عدالت جاچ آفيسر کي قيدي جي گهر وارن سان ملاقات ڪرائڻ جو حڪم ڏئي ڇڏيو ۽ ايندڙ ٻڌڻي تي ڪامران کي پيش ڪرڻ جو به حڪم ڏنو.
واضح رهي ته ڪامران 2016ع کان لانڍي جيل بيرڪ 13 ۾ قيد آهي.
پوليس موجب ڪامران لياري گينگ وار جو ڪارڪن هو، ڪامران لياري ۾ ڪيترين ئي وارداتن ۾ ملوث هو.
