مِٽي جي ٿانوَن جي تاريخ وڏي پراڻي آهي ڇو ته ڌات جو استعمال انسان گهڻو وقت اڳ پنهنجي شروعاتي دور ۾ ئي ڪري چڪو آهي ۽ انکان به اڳ مٽي کي هٿن سان مختلف شڪلون ڏنيون ۽ ان وقت کان اڄ تائين مٽي جا ٿانوَن کاڌو پچائڻ ۽ پيئڻ جي لاءِ استعمال ٿيندا رهيا آهن.
يوناني طب جي تاريخ صديون پراڻي آهي، انهن موجب مٽي جي ٿانوَن ۾ پڪل کاڌو اسانجي صحت تي گهرا اثر ڇڏيندو آهي.
يوناني ماهرن اڄ به کاڌو پچائڻ ۽ پاڻي پيئڻ جي لاءِ مٽي جا ٿانوَن استعمال ڪرڻ جا مشورا ڏيندا آهن، مٽي جي ٿانوَن ۾ پڪل کاڌو نه رڳو صحت جي لاءِ فائديمند آهي پر مٽي جي ٿانوَن ۾ کائڻ به مختلف ڌاتن سان ٺهيل ٿانوَن ۾ پڪل کاڌن کان وڌيڪ ذائقيدار هوندو آهي
اڄ اسان توهان کي ٻڌائينداسين مٽي جي ٿانوَن ۾ پاڻي استعمال ڪرڻ سان صحت تي ڪهڙا هاڪاري اثر پوندا آهن.
- قدرتي طور تي ٿڌو رکي
مٽي جي ٿانوَن ۾ پاڻي رکڻ پاڻي جي قدرتي ٿڌاڻ کي برقرار رکڻ ۾ مدد ملندي آهي، مٽي جي ٿانوَن ۾ ٿورا ٿورا سوراخ هوندا آهن ۽ انهن سوراخن جي ذريعي پاڻي تيزي سان بخار بڻجي ويندو آهي جنهن جي ڪري پاڻي ٿڌو ٿي ويندو آهي.
پاڻي جيڪڏهن گرم به هوندو ته اهو مٽڪي يا دِلي ۾ اچڻ کانپوءِ ٿڌو ٿي ويندو آهي، انجي ڀيٽ ۾ فرج ۾ رکيل پاڻي حد کان وڌيڪ ٿڌو ٿي ويندو آهي جيڪو اُس ۽ گرمي ۾ ايندڙ ۽ سخت اڃ جي نتيجي ۾ پاڻي پيئڻ ڳلي جي خرابي جو سبب بڻجي سگهجي ٿو.
- ميٽابولزم کي تيز ڪرڻ ۾ مدد فراهم ڪندو آهي
مٽي جي ٿانوَن ۾ رکيل پاڻي هر قسم جي ڪيميڪل کان پاڪ رهندو آهي انڪري ان جي استعمال سان ميٽابولزم جي رفتار کي تيز ڪري سگهجي ٿو ۽ ان سان هاضمي جو نظام به بهتر طريقي سان ڪم ڪندو آهي.
- گرمي ۾ لُخ لڳڻ کان بچي سگهجي ٿو
گرمي جي موسم ۾ جتي هيٽ ويو ۽ يا سن اسٽروڪ هڪ مسئلو بڻبو پيو وڃي اتي ئي مٽي جي ٿانوَن ۾ رکيل پاڻي سخت تپش يا سج جي روشني جو مقابلو ڪرڻ ۾ مدد فراهم ڪندو آهي، ڇو ته مٽي جا ٿانوَن پاڻي جي معدنيات ۽ غذائي شين کي برقرار رکندا آهن.
