ٽي ٽوئنٽي ورلڊ ڪپ ۾ افغانستان کي شڪست ڏيڻ کانپوءِ جتي ڀارتي ٽيم جون سيمي فائنل ۾ پهچڻ جون اميدون وري جاڳي پيون، اتي ئي وري سوشل ميڊيا واهپيدار ان مقابلي کي ”فڪس“ قرار ڏئي رهيا آهن.
ڀارت ۽ افغانستان جي ميچ کانپوءِ ٽوئيٽر تي ”فڪسڊ“ ٽاپ ٽرينڊ ڪرڻ لڳو آهي ۽ ڪيترائي ماڻهو افغانستان جي اهڙي شڪست ۽ ڀارت جي ڪارڪردگي تي حيرانگيءَ جو اظهار ڪري رهيا آهن.
هڪ واهپيدار پنهنجي ٽوئيٽ ۾ ميچ جي هڪ ڪلپ شيئر ڪندي لکيو ته فڪس ميچ هيئن هوندي آهي، رانديگرن جي باڊي لينگويج سڀ ڪجهه ٻڌائي رهي آهي، انهن کي شرم اچڻ گهرجي.
