نيو يارڪ ۾ قائم ”ڪميٽي ٽو پروٽيڪٽ جرنلسٽس“ موجب 2021 ۾ سڄي دنيا ۾ رڪارڊ صحافين کي جيلن ۾ قيد ڪيو ويو.
293 صحافين مان سڀ کان وڌيڪ چوٿون حصو صحافين کي رڳو چين ۽ ميانمار ۾ گرفتار ڪيو ويو.
ان رپورٽ ۾ ڀارت ۽ ميڪسيڪو صحافين لاءِ سڀ کان خطرناڪ ملڪ قرار ڏنا ويا آهن.
رپورٽ موجب هلندڙ سال ڀارت ۾ چئن صحافين کي قتل ڪيو ويو، جڏهن ته ميڪسيڪو ۾ 3 صحافي قتل ٿيا.
خميس ڏينهن جاري ٿيل سي پي جي جي ان سالياني رپورٽ موجب چين ۾ 50، ميانمار ۾ 26، مصر ۾ 25، ويٽنام ۾ 23 ۽ بيلاروس ۾ 19 صحافي هن وقت به جيل ۾ آهن.
اهڙي ريت ڪيترائي صحافي سعودي عرب، ايران، ترڪي، روس، ايٿوپيا ۽ اريٽيريا ۾ به قيد آهن.
رپورٽ موجب قيد صحافين جي انگ سان خبر پئي ٿي ته دنيا ۾ آزاد رپورٽنگ جي حوالي سان عدم برداشت پيدا ٿي رهيو آهي.
