مٽياري شھر ۽ آس پاس منشيات فروشن ڊيلرن خلاف ايس ايڇ او ذوالفقار اوڍاڻو پنهنجي نفري سان مختلف هنڌن تي ڇاپا هڻي 14 ڄڻن کي گرفتار ڪري ورتو.
مختلف ٿاڻن تي 12 ڪيسن ۾ گهربل جوابدار شڪيل ولد هاشم خاصخيلي، پيرل کوسو ۽ مجيب عرف بابو چنڊ کي مٽياري شهر مان گرفتار ڪيو ويو.
پوليس موجب بدرالدين ولد نورالدين خاصخيلي، رضا خاصخيلي ۽ فرحان عرف مولو ولد عنايت ميمڻ هالا مان گرفتار ڪيو ويو.
پوليس موجب منٺار ولد محمد ماڇي هالا پراڻا، حاڪم علي شھوک کيبراڻي، علي رضا ڀٽي، خالد راجپوت، محمد رضوان ۽ رجب علي کي سعيدآباد مان گرفتار ڪيو ويو.
پوليس موجب منشيات فرشن کان 280 گرام چرس ، 1170 مين پڙيون ۽ 6225 عدد گهٽڪا برآمد ٿيا آھن، وڌيڪ جاچ ڪئي پئي وڃي.
