ريلوي واري وفاقي وزير خواجه سعد رفيق پي ٽي آءِ جي مينار پاڪستان پاور شو تي ردعمل ڏيندي عمران خان کي تنقيد جو نشانو بڻايو ۽ چيو ته فاشسٽ عمران به اقتدار حاصل ڪرڻ لاءِ ناپاڪ عنصرن سان اتحاد ڪري رهيو آهي.
سماجي رابطن واري ويب سائيٽ ٽوئيٽر تي پنهنجي پيغام ۾ وفاقي وزير چيو ته جيڪڏهن پاڪستان تحريڪ انصاف جي حڪومت آئين، جمهوريت ۽ عوام جي امنگن جي ڀڃڪڙي ڪري مڙهي نه وڃي ها ته 2018 ۾ پاڪستان دنيا اڀرندڙ معيشت بڻجي وڃي ها.
پي ٽي آءِ سربراهه تي تنقيد ڪندي خواجه سعد رفيق وڌيڪ چيو ته فاشسٽ عمران به اقتدار لاءِ شيطانن سان اتحاد ڪري رهيو آهي، سندس چئن سالن جي حڪمراني پاڪستان جي معيشت تي ناڪاري اثر ڇڏيو آهي ۽ قومي اتحاد کي به خطرو آهي.
هن چيو ته پي ٽي آءِ جي نااهل حڪومت پاڪستانين تي رڪارڊ پرڏيهي قرضن جو بار وڌو.
وفاقي وزير الزام هنيو ته پي ٽي آءِ جي ڳجهي پرڏيهي فنڊنگ قومي مفادن خلاف استعمال ٿي رهي آهي، اها ملڪ ۾ نفرت پکيڙڻ، عوام کي گمراهه ڪرڻ ۽ ملڪ خلاف پروپئگنڊا ڪرڻ لاءِ استعمال ٿي رهي آهي.
هن چيو ته عمران خان پنهنجي ذاتي اقتدار لاءِ پاڪستان کي غلام بڻائڻ جي ڪوشش ڪري رهيو آهي، پي ٽي آءِ سربراهه کي خبردار ڪيو آهي ته کيس ٻيهر ڪپتاني نه ڏني ويندي.
