لاهور: پاڪستان ڪرڪيٽ بورڊ طرفان ڀارت ۾ ورلڊ ڪپ جون ميچون کيڏڻ جي مزاحمت ۾ بنگلاديش پاڪستان لاءِ غير جانبدار آپشن طور سامهون اچڻ جو امڪان آهي.
ميڊيا رپورٽن موجب ڀارتي ڪرڪيٽ بورڊ ايشين ڪرڪيٽ ڪائونسل کي آگاهه ڪيو آهي ته اهو ٽورنامينٽ لاءِ پاڪستان جو دورو نه ڪندو.
پاڪستان ڪرڪيٽ بورڊ به پاڙيسري ملڪ ۾ آڪٽوبر-نومبر ۾ ٿيندڙ ورلڊ ڪپ لاءِ هائبرڊ ماڊل اپنائڻ لاءِ اختيارن تي غور ڪري رهيو هو.
ان دوران انگلينڊ، عمان، سريلنڪا ۽ گڏيل عرب امارات سميت ٻيا ملڪ ايشيا ڪپ جي ميچن جي سلسلي ۾ ڀارتي ميچن جي ميزباني تي غور ڪري رهيا آهن.
ٻئي طرف بي سي سي آءِ جو چوڻ آهي ته ايشيا ڪپ پاڪستان کان گڏيل عرب امارات يا قطر منتقل ڪيو ويندو.
بي سي سي آءِ انهن خبرن کي به رد ڪري ڇڏيو ته پاڪستان بنگلاديش ۾ ورلڊ ڪپ جون ميچون کيڏي سگهي ٿو.
