پاڪستان تحريڪ انصاف جي چيئرمين عمران خان چيو آهي ته سپريم ڪورٽ جي بينچ جو پارٽي تي ڪو به اثر نه پوندو.
سماجي رابطن واري ويب سائيٽ ٽوئيٽر تي پنهنجي پيغام ۾ هٽايل وزيراعظم چيو ته اسان رڳو اهو ڄاڻڻ چاهيون ٿا ته چونڊون 90 ڏينهن جي آئيني شق اندر ٿينديون يا نه؟
هن چيو ته اسان جي ٻنهي صوبائي اسيمبلين کي ٽوڙڻ کان اڳ، مون پنهنجي اعليٰ آئيني وڪيلن سان صلاح مشورو ڪيو، جن مان سڀئي واضح هئا ته چونڊن لاءِ 90 ڏينهن جي آئيني شق ناقابل قبول آهي.
سياسي مخالفن کي تنقيد جو نشانو بڻائيندي عمران خان چيو ته هاڻي فراڊ ڪندڙن جي امپورٽ ٿيل حڪومت، سندن هٿ ونڊائڻ وارا ۽ اليڪشن ڪميشن آئين جو مڪمل مذاق بڻائي رهيا آهن.
هن چيو ته اهي آئين جي ڪهڙي شقن جي پاسداري ڪندا، اهي پاڪستان جي بنياد کي خطري ۾ وجهي رهيا آهن، جيڪا آئين ۽ قانون جي حڪمراني آهي.
عمران خان وڌيڪ چيو ته هو چونڊن کان ايترا ڊڄي ويا آهن ۽ پنهنجي سزا يافته اڳواڻن کي وائيٽ واش ڪرڻ لاءِ ايترا ته آتا آهن جو هو آئين ۽ قانون جي بالادستي کي تباهه ڪرڻ لاءِ تيار آهن.
