سوراب: قلات ۾ ٽريفڪ حادثي ۾ فوت ٿيلن جو انگ 6 ٿي ويو آهي، قلات ڊويزن جي ڪمشنر دائود خان خلجي جي قافلي ۾ شامل گاڏي روڊ جي ڪناري تي بيٺل ٽرالر سان ٽڪرائجي وئي.
پوليس جو چوڻ آهي ته حادثو سوراب واري علائقي ۾ ان وقت پيش آيو، جڏهن ڪمشنر خضدار کان ڪوئيٽا وڃي رهيو هو، 3 ليويز اهلڪار موقعي تي ئي فوت ٿي ويا ۽ 4 زخمي ٿي پيا.
زخمين کي فوري طور تي ضلعي هيڊڪوارٽر اسپتال سوراب منتقل ڪيو ويو، جتي وڌيڪ 3 ڄڻا حياتيون وڃائي ويٺا.
ڪمشنر ان افسوسناڪ واقعي تي گهري ڏک ۽ افسوس جو اظهار ڪندي فوت ٿي ويلن جي وارثن سان دلي تعزيت جو اظهار ڪيو.
