بالي ووڊ جو مسٽر پرفيڪٽ عامر خان بابت ڀارتي ميڊيا ۾ خبرون هلي رهيون آهن ته هو پنهنجي ڪو پروڊيوسر سان گڏ بلاڪ بسٽر فلم ”گجني“ جو سيڪوئل ٺاهڻ ۾ مصروف آهي.
ڀارتي ميڊيا رپورٽن موجب عامر خان گذريل سال نومبر ۾ اعلان ڪيو هو ته هو ڪجهه وقت لاءِ اداڪاري نه ڪندو ۽ رڳو نيون فلمون ٺاهڻ تي ڌيان ڏيندو.
رپورٽ ۾ ٻڌايو ويو آهي ته عامر خان 2005ع جي ايڪشن ٿرلر فلم ”گجني“ جو حصو 2 ٺاهڻ جو خواهشمند آهي.
ڀارتي ميڊيا دعويٰ ڪئي آهي ته اداڪار پنهنجي نئين پروجيڪٽ لاءِ ڪيترائي ڀيرا ڀارتي شهر حيدرآباد جو دورو ڪري چڪو آهي.
رپورٽ ۾ وڌيڪ چيو ويو آهي ته پروجيڪٽ جي حوالي سان عامر خان ۽ سندس ڪو پروڊيوسر الو اروند ۾ به ڳالهيون جاري آهن.
هن وقت تائين عامر خان پاڻ ڀارتي ميڊيا ۾ گردش ڪندڙ انهن خبرن جي تصديق يا ترديد نه ڪئي آهي.
