سنڌ جي 3 ڊويزنن ۾ 11هين ۽ 12هين ڪلاس جا امتحان 30 مئي کان وٺڻ جو فيصلو ڪيو ويو آهي.
صوبائي وزير اسماعيل راهو ٻڌايو آهي ته 30 مئي کان ڪراچي، حيدرآباد ۽ ميرپورخاص ۾ ٻن شفٽن ۾ امتحان ورتا ويندا.
هن چيو ته 12هين ڪلاس جا امتحان سکر، لاڙڪاڻي ۽ شهيد بينظير آباد ۾ شروع ٿي ويا آهن.
اسماعيل راهو جو چوڻ آهي ته 11هين ۽ 12هين جي امتحانن ۾ 4 لک 89 هزار شاگرد شرڪت ڪندا، سمورن ڊويزنن ۾ 390 ويجيلنس ٽيمون ٺاهيون ويون آهن ۽ 700 امتحاني مرڪز قائم ڪيا ويا آهن.
پيپلز پارٽي جي اڳواڻ چيو ته ميٽرڪ جي امتحان ۾ 3 هزار 565 شاگرد ڌانڌلي ڪندا پڪڙيا ويا، امتحان دوران 2 هزار 600 موبائل فون ضبط ڪيا ويا.
هن جو چوڻ آهي ته 800 کان وڌيڪ شاگرد ڪاپي تبديل ڪندي پڪڙي ويا، ڪنهن ٻئي جي جاءِ تي امتحان ڏئي رهيا هئا.
