قومي ڪرڪيٽ ٽيم جي اڳوڻي فاسٽ بالر محمد عامر قومي ٽيم جي 5 بهترين بالرن ۾ پهرين نمبر تي پاڻ کي رکي ڇڏيو.
31 ورهين جي محمد عامر 2020ع ۾ انٽرنيشنل ڪرڪيٽ تان رٽائرمينٽ جو اعلان ڪندي چيو آهي ته تجربي جي حوالي سان هو پاڻ کي قومي ٽيم جي ٽاپ بالرز ۾ پهرين جاءِ ڏيندو.
ڪرڪيٽر محمد عامر تازو ئي جيو نيوز جي شو ”هنسانا موني هي“ ۾ نظر آيو، جنهن دوران ميزبان تابش هاشمي کانئس قومي ٽيم جي ٽاپ 5 بالرز بابت سوال ڪيو.
تابش هاشمي محمد عامر کي بالر شاهين شاهه آفريدي، حارث رئوف، نسيم شاهه، محمد حسنين ۽ وسيم جونيئر جو آپشن ڏنو ۽ پڇيو ته بهترين نمبر تي ڪير آهي؟
محمد عامر چيو ته نسيم مڪمل بالر آهي، هو نئون آهي پر بالنگ جي هر قسم جو ڄاڻو آهي.
