قومي ڪرڪيٽ ٽيم جي ڪپتان بابر اعظم ۽ محمد رضوان جي دلچسپ تصوير سوشل ميڊيا تي وائرل ٿي وئي آهي.
اها تصوير هڪ ڏينهن اڳ آئي آهي، جڏهن ٻه قومي ڪرڪيٽر هارورڊ بزنس اسڪول جي بزنس آف انٽرٽينمينٽ، ميڊيا اينڊ اسپورٽس (BEMS) ايگزيڪيوٽو ايجوڪيشن پروگرام ۾ شامل ٿيا.
دراصل اها تصوير بابر اعظم فوٽو ۽ وڊيو شيئرنگ ايپ انسٽاگرام تي شيئر ڪئي هئي.
هن تصوير ۾ بابر کي صوفي تي ليٽيل ڏسي سگهجي ٿو ۽ رضوان زمين تي ويهي پڙهي رهيو آهي.
هن تصوير شيئر ڪندي ڪيپشن ۾ لکيو ته، ڇا ٿي رهيو آهي؟
بابر اعظم جي ان پوسٽ کي مداحن طرفان تمام گهڻو پسند ڪيو پيو وڃي ۽ دلچسپ تبصرا پڻ ڪيا پيا وڃن.
واضح رهي ته بابر اعظم ۽ محمد رضوان پهريان ٻه ڪرڪيٽر آهن جن 31 مئي کان 3 جون تائين ميساچوسٽس جي شهر بوسٽن جي هارورڊ بزنس اسڪول ڪيمپس ۾ ٿيندڙ تعليمي پروگرام ۾ شرڪت ڪئي.
تعليمي پروگرام کانپوءِ ٻئي ڪرڪيٽر 13 جون تائين آمريڪا ۾ مختلف هنڌن جو دورو پڻ ڪندا.
هن تعليمي پروگرام ۾ شرڪت جي حوالي سان بابر اعظم جو چوڻ آهي ته مان زندگيءَ ۾ سکيا وٺندڙ آهيان ۽ ان پروگرام بابت پروفيسر ايلبرز ۽ طلحه رحماني سان تفصيلي ڳالهه ٻولهه ٿي آهي.
هن چيو ته هارورڊ ۾ هن عالمي سطح جي پروگرام ۾ شامل ٿيڻ جو مقصد ڪجهه نئون سکڻ ۽ ان کي پوري دنيا جي ماڻهن تائين پهچائڻ آهي.
هن وڌيڪ چيو ته مون کي پڪ آهي ته تفريح، ميڊيا ۽ راندين ۾ دنيا جي شاندار رانديگرن ۽ اعليٰ ڪاروباري عملدارن کان سکڻ لاءِ گهڻو ڪجهه آهي.
ٻئي طرف محمد رضوان جو چوڻ آهي ته اهڙي باوقار عالمي اسٽيج تي پاڪستان جي نمائندگي ڪرڻ وڏي اعزاز جي ڳالهه آهي، اسان هن هارورڊ تعليمي پروگرام ڏانهن وڃي رهيا آهيون، مون کي پڪ آهي ته اهو هڪ دلچسپ سفر هوندو ۽ مان انهن تجربن کي ڪرڪيٽ جي دنيا ۾ نون سپر اسٽارز سان شيئر ڪرڻ جو منتظر آهيان.
