ايشيا ڪپ جي سپر فور مرحلي جي ٻئين ميچ ۾ بنگلاديش ٽاس کٽي سريلنڪا خلاف پهرين فيلڊنگ جو فيصلو ڪيو.
ڪولمبو ۾ ٽاس جي موقعي تي ڳالهائيندي سريلنڪن ڪپتان ڊوسن شناڪا چيو ته اسان ٽاس کٽي پهريان بيٽنگ ڪندا هئاسين، پچ بيٽنگ لاءِ سٺي آهي ۽ بال رات جو سوئنگ ٿئي ٿو.
هن چيو ته ٽيم ۾ ڪا به تبديلي ناهي آئي، هو ڪاميابيون ماڻيندا رهندا.
ان موقعي تي بنگلاديش ڪرڪيٽ ٽيم جي ڪپتان شڪيب الحسن جو چوڻ هو ته ميچ کٽڻ ضروري آهي، ٽيم ۾ اڄ هڪ اضافي بالر جو اضافو ڪيو ويو آهي، عفيف حسين جي بدران نسيم احمد کي ٽيم ۾ شامل ڪيو ويو آهي. .
ياد رهي ته سپر فور مرحلي جي پهرين ميچ ۾ پاڪستان بنگلاديش کي آساني سان شڪست ڏني هئي.
