لاهور: قومي ٽيم جي آل رائونڊر شادب خان زمبابوي خلاف پهرئين ٽي ٽوئنٽي انٽرنيشنل ميچ ۾ شرڪت نه ڪندو. پاڪستان ڪرڪيٽ بورڊ پاران قومي ٽيم جي ليگ اسپنر شادب خان کي زمبابوي خلاف سيريز جي لاءِ نائب ڪپتان جي ذميواري ڏني وئي هئي پر انجري سبب هو شامل نه ٿي سگهيو ۽ هاڻ چيو پيو وڃي ته هو پهرئين ٽي ٽوئنٽي ۾ به شرڪت نه ڪري سگهندو. زمبابوي خلاف سيريز کان پهرين انجري جي شڪار شاداب خان ڄنگهه ۾ تڪليف محسوس پئي ڪئي، پر هاڻ هو بهتر ٿي رهيو آهي.
