اسلام آباد : ڀارت غلطيءَ سان ڪنٽرول لائن پار ڪندڙ ٻن ڀيڻن کي پاڪستان حوالي ڪري ڇڏيو.گذريل ڏينهن آزاد ڪشمير جي علائقي عباس پور جون ٻه ڀيڻون ثنا زبير ۽ لائبه زبير غلطي سان ايل او سي پار ڪري والاريل ڪشمير هليون ويون هيون، جتي ڀارتي سيڪيورٽي فورسز کين حراست ۾ وٺي ڇڏيو هو.ڀارتي اختيارين اڄ ٻنهي نارين کي راولا ڪوٽ پونڇ ڪراسنگ پوائنٽ تي پاڪستاني اختيارين حوالي ڪيو آهي.پرڏيهي کاتي جي ترجمان موجب پاڪستان طئي ٿيل طريقي ڪار تحت ڇوڪرين جي واپسيءَ جو معاملو ڀارتي اختيارين سان اٿاريو هو.
