اسلام آباد: پنجاب جي وڏي وزير عثمان بزدار جي اطلاعات بابت خاص مددگار فردوس عاشق اعواڻ مسلم ليگ(ن) جي نائب صدر مريم نواز سان باڪسنگ مقابلي جو چيلينج قبولي ورتو آهي. رپورٽ موجب عالمي شهرت ماڻيندڙ پاڪستاني ڄائي باڪسر عامر خان فردوس عاشق اعواڻ ۽ مريم نواز جي وچ ۾ باڪسنگ جي مقابلي جو اعلان ڪيو هو. جنهن کان پوءِ فردوس عاشق اعواڻ مريم نواز سان باڪسنگ جي مقابلي جو چيلينج قبول ڪري ورتو آهي. پنجاب جي وڏي وزير جي مددگار جو ان حوالي سان چوڻ هو ته فائٽ برابري واري سان ٿيندي آهي. برائلر مرغيون ڪهڙو مقابلو ڪنديون.
