سکر(رپورٽ:امداد علي گل ڪلوڙ) جمعيت طلبا۽اسلام سنڌجي صوبائي صدر مولانا نعيم الله لغاري ميڊيا سان ڳالھائيندي چيو ته سنڌ جي شاگردن کان ورتل ميڊيڪل جي ٽيسٽ ۾ وڏو فراڊ ڪيو ويو آھي۽ ٽيسٽ ۾ سيٽ نمبرتي ٻين صوبن جا اميدوارن کي پاس ڄاڻايو ويو آھي ۽ ٽيسٽ پاس ڪندڙ سنڌ جي شاگردن ۽ شاگردياڻين سان وڏيون ناانصافيون ڪيون ويون آھن اسان اھڙي عمل ۽ ميرٽ جي ٿيندڙ لتاڙ جي سخت لفظن ۾ مذمت ڪريون ٿا،ھن اھڙن خيالن جواظھار،جي يوآ۽سٽي سکر جي پريس ترجمان مفتي اعظم مھر جي رھائش گاھ تي صحافين سان ڳالھائيندي ڪيو ان موقعي تي جي ٽي آ۽ سکر جو صدراسامه محمود ھاليجوي ،سھيل احمدھاليجوي حق نواز ڪٽبر رضوان احمد سھنڌڙو سميت ٻيااڳواڻ موجود ھئا ھن چيو ته سنڌ جي ميڊيڪل ٽيسٽ ۾ پاس ٿيندڙ شاگردن ۽ شاگردياڻين سان انصاف ڪيو وڃي ھنن چيو ته ميرٽ جي لتاڙ ڪرڻ ۽ سنڌ جي شاگردن ۽ شاگرياڻين جي حقن تي ڌاڙو ھڻڻ سبب سنڌ صوبي جي ماڻهن ۾ غم ۽ غصي جي لھر ڇانيل آهي اسان متاثر شاگردن ۽ شاگردياڻين سان گڏ آھيون ھن چيف جسٽس سپريم ڪورٽ آف پاڪستان سميت ملڪي ايجنسين کان مطالبو ڪندي گھر ڪئي ته سنڌ جي شاگردن ۽ شاگردياڻين سان ميڊيڪل ٽيسٽ ۾ ٿيل ناانصافين جو فل فور نوٽيس ورتو وڃي ۽ ٽيسٽ ۾ فيل ڄاڻايل سنڌ جي شاگردن ۽ شاگردياڻين کي پاس ڪري کين سندن حق ڏئي انھن سان انصاف ڪيو وڃي ۽ سنڌ جي عوام ۾ پيدا ٿيل بي چيني ختم ڪئي وڃي ٻي صورت ۾ سموري سنڌ اندر احتجاج جو دائرو وڌايو ويندو.
