ڪراچي ۾ اسٽريٽ ڪرائم جي روڪٿام لاءِ ڪراچي پوليس چيف عمران يعقوب منهاس سرگرم ٿي ويو.
ايڊيشنل آءِ جي ڪراچي لاڳاپيل 30 ٿاڻن کي نوٽيس جاري ڪري ڇڏيا آهن، جن ۾ تنبيهه ڪئي وئي آهي ته شهر جو 50 سيڪڙو اسٽريٽ ڪرائم انهن 30 ٿاڻن جي حدن ۾ ٿي رهيو آهي، لاڳاپيل ٿاڻن جا ايس ايڇ اوز اسٽريٽ ڪرائم تي ضابطو آڻين يا گهر وڃن.
نوٽيس ۾ چيو ويو آهي ته ٿاڻيدار پنهنجي علائقن ۾ پيٽرولنگ ۽ سنيپ چيڪنگ کي وڌائن.
ڪراچي پوليس چيف 15 ڏينهن ۾ لاڳاپيل ٿاڻن کي ڪارڪردگي بهتر ڪرڻ جي هدايت ڪئي آهي ۽ منشيات فروشي کي روڪڻ لاءِ ٽنهي زونل ڊي آءِ جيز کي به حڪم جاري ڪري ڇڏيا آهن.
