سعودي عرب هن سال به حج لاءِ پانڌيئڙن جو انگ محدود رکڻ جو فيصلو ڪندي اعلان ڪيو آهي ته ٻاهرين ملڪن مان ايندڙن کي حج جي اجازت نه ڏيندي، رڳو مقامي ماڻهو ئي حج ادا ڪري سگهندا.
سعودي ميڊيا موجب حج ۽ عمري واري وزارت اعلان ڪيو آهي ته وبا سبب هن سال رڳو 60 هزار ماڻهن کي حج جي سعادت حاصل ڪرڻ جي اجازت ڏني ويندي ۽ رڳو سعودي عرب ۾ رهندڙ ئي حج ادا ڪري سگهندا.
وزارت طرفان جاري ڪيل بيان ۾ چيو ويو آهي ته ملڪ ۾ رهندڙ ڪورونا ويڪسين لڳرائيندڙ صحتمند ۽ ڪنهن مستقل بيماري ۾ مبتلا نه هوندڙ 18 کان 65 سالن جي عمر جي ماڻهن کي حج جي اجازت هوندي، 14 ڏينهن اڳ ويڪسين جو هڪ ٽُڪو لڳرائيندڙ کي به حج جي اجازت هوندي.
