قطر پاڪستانين کي خوشخبري ٻڌائيندي ويزا آن ارائيول جي سهولت بحال ڪري ڇڏي.
قطري حڪومت طرفان ان حوالي سان تحريري حڪم به جاري ڪيا ويا آهن ۽ نئين پاليسي به متعارف ڪرائي وئي آهي.
نئين پاليسي موجب قطر ويندي ئي هاڻ پاڪستان کي ايئرپورٽ تي آن ارائيول ٽورسٽ ويزا ڏني ويندي.
پاڪستاني شهرين لاءِ 6 مهينن تائين استعمال لائق پاسپورٽ ۽ ريٽرن ٽڪيٽ جو شرط هوندو، جڏهن ته آن ارائيول ٽورسٽ ويزا لاءِ 100 قطري ريال فيس ادا ڪرڻي پوندي.
قطر ويندڙن جي ڪورونا ويڪسينيشن، ٻارن لاءِ پوليو ويڪسينيشن ضروري هوندي ۽ سفر ڪندڙن کي ڪورونا جي ناڪاري رپورٽ به گڏ آڻڻي پوندي.
