) وزيراعظم عمران خان سنڌ ۾ وفاقي ادارن ذريعي ايڪشن پلان شروع ڪرڻ جو فيصلو ڪري ورتو.
وزيراعظم عمران خان جي صدارت هيٺ سنڌ اسٽريٽجي ڪميٽي جو اجلاس ٿيو جنهن ۾ گورنر سنڌ عمران اسماعيل، شاهه محمود قريشي، اسد عمر، حليم عادل شيخ، چيف آرگنائيزر سيف الله نيازي، عامير ڪياني ۽ سيف الله ابڙي شرڪت ڪئي.
اجلاس ۾ سنڌ جي سياسي ۽ انتظامي صورتحال ۽ تفصيلي مشاورت ڪئي وئي ۽ سنڌ ۾ پي ٽي آءِ جي سرگرم ڪردار تي به غُور ڪيو ويو.
اجلاس ۾ وفاقي ادارن ذريعي ايڪشن پلان شروع ڪرڻ جو فيصلو ڪندي طئي ڪيو ويو ته سمگلنگ، منشيات ۽ بدامني جي روڪٿام لاءِ وفاقي حڪومت ڪردار ادا ڪندي، جڏهن ته وزيراعظم به جلد سنڌ جو دورو ڪندو.
