پاڪستان پيپلزپارٽي پارليامينٽرينز جي مرڪزي اطلاعات سيڪريٽري ۽ قومي اسيمبلي جي ميمبر شازيه مري چيو آهي ته وفاقي حڪومت جو مهانگي کنڊ درآمد ڪري قومي خزاني کي لوٽڻ جي وڏي واردات ڪئي وئي. ھن عمران خان کان سوال ڪندي چيو ته وزيراعظم صاحب لوٽ مار ڪري رھيا آهيو يا ڪرامات ڪري رھيا آھيو. کنڊ في ڪلو 123 روپين ۾ درآمد ڪرڻ جو فيصلو قومي خزاني کي ڌاڙو ھڻڻ ناهي ته پوءِ ڇا آهي.
اھڙين ڳالهين جو اظهار اڄ ھن سندس ھڪ جاري ڪيل بيان ۾ ڪيو آهي.
