لاهور جي عدالت وزيراعظم جي خاص مددگار شهباز گِل جا ضمانت جوڳا گرفتاري وارنٽ جاري ڪري ڇڏيا.
لاهور جي مقامي عدالت ۾ وزيراعظم جي خاص مددگار شهباز گل خلاف نجي ڪمپني طرفان داخل درخواست تي ٻڌڻي ٿي.
نجي ڪمپني شهباز گل خلاف دعويٰ داخل ڪئي آهي ته هن ٽي وي پروگرام ۾ ڪمپني تي ڪوڙا الزام هنيا.
لاهور جي ايڊيشنل سيشن جج حسنين اظهر شاهه درخواست تي ٻڌڻي ڪئي ۽ عدالت ۾ عدم پيشي تي شهباز گل جا ضمانت جوڳا گرفتاري وارنٽ جاري ڪري ڇڏيا.
ايڊيشنل سيشن جج حسنين اظهر شاهه شهباز گل کي پهرين نومبر تي ذاتي حيثيت ۾ پيش ٿيڻ جو حڪم ڏنو آهي.
