تحريڪ انصاف جا 3 قومي اسيمبلي جا ميمبرز پنهنجي ئي وزير حماد اظهر جي مخالفت ۾ ميدان تي نڪري آيا.
ڪراچي ۾ گئس جي بندش تي آفتاب صديقي ۽ ڪيپٽن (ر ) جميل کانپوءِ تحريڪ انصاف جو ٽيون ايم اين اي شڪور شاد به حماد اظهر تي ڪاوڙجي پيو ۽ کيس هٽائڻ جو مطالبو ڪري ڇڏيو.
شڪور شاد چيو ته لياري جي عوام جي حق لاءِ قومي اسيمبلي ۾ به احتجاج ڪنداسين.
واضح رهي ته اڳ ڪيپٽن ( ر ) جميل به حماد اظهر کي خط لکي چيو هو ته گئس بحال نه ڪئي وئي ته اسيمبلي جي فلور تي احتجاج ڪنداسين،
ڪراچي ڊفينس مان تحريڪ انصاف جي ايم اين اي آفتاب صديقي به حماد اظهر کي رويي کي شرم جوڳو قرار ڏيندي چيوهو ته حماد اظهر ميسيجز جو جواب به ناهي ڏيندو.
