ملڪ ۾ ڪورونا ڪيسن جي شرح وڌڻ کانپوءِ لاڪ ڊائون لڳندو يا نه؟ ان حوالي سان وفاقي وزير فواد چوڌري وضاحت ڪري ڇڏي.
وفاقي ڪابينا جي اجلاس کانپوءِ صحافين سان ڳالهائيندي فواد چوڌري چيو ته پاڪستان ۾ ڪورونا ڪيسن جي شرح وڌي رهي آهي، جنهن کي مانيٽر ڪري رهيا آهيون پر لاڪ ڊائون نه هڻنداسين، اسان جي معيشت لاڪ ڊائون کي برداشت نٿي ڪري سگهي.
هن وڌيڪ چيو ته ڪورونا وائرس سبب اسڪولن کي به بند نه ڪيو ويندو، ملڪ ۾ ويڪسينيشن مهم سٺي طريقي سان جاري آهي، جڏهن ته عوام ماسڪ جو استعمال ڪري.
