مديني شريف ۾ قائم مسجد نبوي صه ۾ هلندڙ سال رمضان ۾ اجتماعي افطاري جي اجازت ڏني وئي آهي.
ڪورونا وبا جي ڪري مسجد نبوي صه ۾ ٻن سالن کان اجتماعي افطاري تي پابندي هئي، جنهن کي هلندڙ سال ختم ڪيو ويو آهي.
سعودي گزٽ موجب هلندڙ سال مسجد نبوي صه ۾ افطار لاءِ سخت قانون جوڙيا ويا آهن ۽ گڏوگڏ سماجي وٿي به لاڳو ڪئي ويندي.
رپورٽ ۾ چيو ويو آهي ته سماجي وٿي جي صورت ۾ هڪ صف ۾ 5 ماڻهو ويهندا، جڏهن ته دسترخوان جي ٻئي پاسي ڪو روزي دار نه ويهي سگھندو.
