وزيراعظم عمران خان جو اڳوڻو خاص مددگار نديم افضل چن تحريڪ انصاف جو ساٿ ڇڏي ٻيهر پ پ ۾ شامل ٿي ويو.
بلاول ڀٽو زرداري پ پ قيادت سان گڏ لاهور ۾ نديم افضل چن جي گهر پهتو، جتي سندس اعزاز ۾ مانجهاندو ڏنو ويو.
ان موقعي تي نديم افضل چن تحريڪ انصاف سان پنهنجا رستا ڌار ڪندي ٻيهر پ پ ۾ شموليت جو اعلان ڪيو ۽ چيو ته ڪجهه مجبورين سبب غلط فيصلو ڪيو هو، پنهنجي گهر موٽي آيو آهيان، جنهن جي خوشي آهي.
بلاول ڀٽو زرداري، نديم افضل چن کي پارٽي ۾ واپسي تي مبارڪ ڏني ۽ چيو ته هاڻ اسان آخري ساهه تائين گڏ رهنداسين.
