وفاقي وزير اعجاز شاهه ق ليگ اڳواڻ چوڌري پرويز الاهي ۽ مونس الاهي سان ملاقات ڪئي.
وفاقي حڪومت پنهنجي اتحادي جماعت ق ليگ سان ٻيهر رابطو ڪيو آهي، ان سلسلي ۾ اڄ وفاقي وزير اعجاز شاهه چوڌري ڀائرن جي رهائشگاهه پهتو، جتي هن چوڌري پرويز الاهي ۽ مونس الاهي سان ملاقات ڪئي، ان موقعي تي چوڌري سالڪ حسين، چوڌري حسين الاهي به موجود هئا.
ذريعن موجب ملاقات ۾ سياسي صورتحال ۽ اتحاد جي معاملن تي ڳالهيون ٿيون، اعجاز شاهه چوڌري شجاعت جي خيريت معلوم ڪئي ۽ وزيراعظم جو خاص پيغام پهچايو.
ذريعن جو چوڻ آهي ته چوڌري ڀائرن چيو سياسي صورتحال تي مسلسل مشاورت ڪري رهيا آهيون.
