ڀارتي رياست ڪرناٽڪ جي تعليمي ادارن ۾ برقعي تي پابندي جي حوالي سان هاءِ ڪورٽ فيصلو ٻڌائي ڇڏيو.
هاءِ ڪورٽ مسلمان شاگردياڻين طرفان ڪاليجن ۾ برقعو پهرڻ جي اجازت لاءِ داخل درخواستون خارج ڪري ڇڏيون.
ڪرناٽڪ هاءِ ڪورٽ تعليمي ادارن ۾ برقعي تي پابندي کي برقرار رکندي چيو ته حجاب پهرڻ اسلامي عقيدي جو لازمي مذهبي عمل ناهي.
هاءِ ڪورٽ جي چيف جسٽس ريتوراج اوسٿي پنهنجي فيصلي ۾ چيو ته تعليمي ادارن کي يونيفارم تجويز ڪرڻ جو حق آهي.
خيال رهي ته ڪرناٽڪ جي ڪجهه ڪاليجن طرفان برقعي تي پابندي خلاف درخواست مسلمان شاگردياڻين داخل ڪئي هئي.
