ق ليگ سربراهه چوڌري شجاعت حسين اعلان ڪيل جلسن کي رد ڪرڻ جي اپيل ڪري ڇڏي.
چوڌري شجاعت پنهنجي هڪ بيان ۾ چيو آهي ته پاڪستان ۾ موجود ڪمزور معاشي ۽ سياسي حالتون ٽڪراءَ واري صورتحال کي منهن نه ٿيون ڏئي سگھن، غربت ۽ مهانگائي جي چڪيءَ ۾ پيڙهجندڙ عوام حڪومت ۽ اپوزيشن جي جلسن ۽ نمبرن جي سياست مان سخت پريشان آهي.
هن چيو حيرت جي ڳالهه اها آهي ته اپوزيشن ته جلسن جي سياست ڪري ٿي پر هن وقت حڪومت به ان جي مقابلي ۾ جلسا ڪرڻ لڳي آهي، جيڪو حڪومت جو ڪم ناهي، ملڪ ڪي اعليٰ ترين مفاد ۾ فوري طور ان جلسن کي رد ڪرڻ جو اعلان ڪن.
چوڌري شجاعت حسين چيو ته سياسي مقابلو ملڪ ۾ اهڙو ڏڦيڙ ۽ بحران پيدا ڪري سگھي ٿو، جنهن جو فائدو پاڪستان جي اندرين ۽ ٻاهرين دشمنن کي ٿي سگھي ٿو، ٻئي ڌريون پنهنجن پنهنجن ڪارڪنن کي نفرت پيدا ڪندڙ سياست وارو رستو نه ڏيکارين، ان ويڙهه ۾ ڪير ماريو ويو يا ڪنهن کي مارايو ويو ته سڀ پڇتائيندا، هارائڻ ۽ کٽڻ کي انا جو مسئلو بڻائڻ بنا جمهوري طريقي موجب ووٽنگ ۾ حصو وٺن.
سندس چوڻ هو ته ق ليگ سدائين ملڪي مفاد جي سياست ڪئي، اسان جي پارٽي کي ننڍي پارٽي چوندڙ وساري ويٺا آهن ته ق ليگ ملڪ ۽ جمهوريت جي لاءِ وڏا وڏا فيصلا ڪيا، ٻين جي مخالفت ڪرڻ باوجود اسان سدائين صلح ڪرڻ کي ترجيح ڏني آهي.
