پاڪستان تحريڪ انصاف جي اڳواڻ فواد چوڌري اعلان ڪيو آهي ته پارٽي چيئرمين عمران خان جي رهائشگاهه تي غيرقانوني ڪارروائي ۾ ملوث پوليس اهلڪارن خلاف ڪيس داخل ڪيو ويندو.
سماجي رابطن واري ويب سائيٽ ٽوئيٽر تي پنهنجي پيغام ۾ اڳوڻي سڌ سماءَ واري وزير جو چوڻ هو ته پوليس لاهور هاءِ ڪورٽ جي حڪمن جي ڀڃڪڙي ڪندي عمران خان جي گهر جي تقدس جي ڀڃڪڙي ڪئي آهي.
هن چيو ته اهلڪارن نه رڳو شيون چوري ڪيون پر بيگناهه ماڻهن تي تشدد ڪيو.
فواد چوڌري چيو ته اسلام آباد ۽ لاهور ۾ تشدد ۽ اهڙيون ٻيون ڪارروايون ظاهر ڪن ٿيون ته پاڪستان آئيني بحران مان گذري رهيو آهي، عدالتي حڪمن جي ڀڃڪڙي ناقابل معافي جرم آهي.
توشه خانه ڪيس جي ٻڌڻي لاءِ عمران خان جي اسلام آباد روانو ٿيڻ جي ڪجهه ڪلاڪن کانپوءِ پوليس سندس گهر تي ڇاپو هنيو.
