ميزبان ڀارت 10 ٽيمن جي ايونٽ لاءِ گهٽ ۾ گهٽ هڪ درجن هنڌن کي شارٽ لسٽ ڪيو آهي، جنهن جو فائنل دنيا جي سڀ کان وڏي ڪرڪيٽ اسٽيڊيم احمد آباد ۾ کيڏيو ويندو.
لسٽ ۾ بنگلور، چنائي، دهلي، ڌرم شالا، گوهاٽي، حيدرآباد، ڪولڪتا، لکنو، اندور، راجڪوٽ ۽ ممبئي شامل آهن، ٽورنامينٽ ۾ 48 ميچون کيڏيون وينديون، جن ۾ 46 ڏينهن دوران ٽي ناڪ آئوٽ ميچون شامل آهن.
بي سي سي آءِ اڃا تائين ڪنهن به ميچ جي هنڌ جو فيصلو نه ڪيو آهي ۽ نه ئي ٻه يا ٽي شهر جتي ٽيمون وارم اپ کيڏيون وينديون.
هنڌن کي حتمي شڪل ڏيڻ ۾ دير ڀارت جي مختلف حصن ۾ مون سون جي موسم ۾ برساتن جي ڪري پيدا ٿيل مونجهارا آهن.
عام طور تي، آءِ سي سي ورلڊ ڪپ جي شيڊول جو اعلان گهٽ ۾ گهٽ هڪ سال اڳ ڪندي آهي، پر هن ڀيري بي سي سي آءِ ڀارتي حڪومت کان ضروري منظوري جو انتظار ڪري رهي آهي.
ٽورنامينٽ لاءِ ٽيڪس معافي حاصل ڪرڻ ۽ پاڪستاني ٽيم لاءِ ويزا ڪليئرنس، جيڪا 2013 جي شروعات کان وٺي آئي سي سي ايونٽس کانسواءِ ڀارت ۾ نه کيڏي آهي.
گذريل هفتي دبئي ۾ ٿيل آءِ سي سي جي ٽه ماهي اجلاس ۾ بي سي سي آءِ عالمي اداري کي يقين ڏياريو هو ته ڀارتي حڪومت پاڪستاني ٽيم جي ويزا جي منظوري ڏيندي.
