اسلام آباد: سڌ سماءَ واري وفاقي وزير مريم اورنگزيب چيو آهي ته پنجاب ۾ چونڊ ملتوي ڪرڻ جو فيصلو پاڪستان جي مفاد ۾ آهي.
پنهنجي هڪ بيان ۾ سڌ سماءَ واري وفاقي وزير چيو ته اليڪشن ڪميشن معاشي، سياسي ۽ سيڪيورٽي صورتحال کي نظر ۾ رکندي فيصلو ڪيو.
هن چيو ته اليڪشن ڪميشن جو فيصلو پاڪستان جي مفاد ۾ آهي، آئين جي آرٽيڪل 218 تحت اليڪشن ڪميشن کي شفاف، غيرجانبدار ۽ منصفاڻي چونڊون ڪرائڻ کي يقيني بڻائڻو پوندو.
هن چيو ته آرٽيڪل 224 جي گهرج آهي ته چونڊن وقت وفاق ۽ صوبائي يونٽن ۾ نگران حڪومتون قائم ڪيون وڃن، اليڪشن ڪميشن اهو فيصلو سمورن اسٽيڪ هولڊرز سان مشاورت کانپوءِ ڪيو آهي.
وفاقي وزير چيو ته اليڪشن ڪميشن جو فيصلو ملڪ ۾ سياسي استحڪام جي ضمانت ڏيندو، خدشا هئا ته هڪ ماڻهو جي انا سبب ٻن صوبن تي چونڊون ڪرايون وڃن.
