پي ٽي آءِ اڳواڻ ۽ اڳوڻي وزيراعظم عمران خان جي ڀائيٽي حسان نيازي کي ڪراچي جي مقامي عدالت پاران ضمانت منظور ڪرڻ باوجود ڪراچي پوليس جي حراست مان آزاد نه ڪيو ويو آهي.
ڪراچي پوليس حسان نيازي کي سخت سڪيورٽي ۾ جڊيشل مئجسٽريٽ آڏو پيش ڪيو ۽ ٻن هفتن جي جسماني رمانڊ جي استدعا ڪئي.
پي ٽي آءِ اڳواڻ جي وڪيل عدالت کي استدعا ڪئي ته هي ڪيس ڪوڙو ۽ بي بنياد آهي ۽ اهو صرف سياسي انتقام جي بنياد تي ٺاهيو ويو آهي.
عدالت ڌرين جا دليل ٻڌڻ کانپوءِ پوليس جي درخواست رد ڪندي پي ٽي آءِ اڳواڻ کي 50 هزار رپين جي ضمانت تي آزاد ڪرڻ جو حڪم جاري ڪري ڇڏيو.
