لاهور: پ پ جي سمورين پارٽين سپريم ڪورٽ جي 3 رڪني بينچ جو بائيڪاٽ ڪرڻ جو فيصلو ڪندي چيو آهي ته فل ڪورٽ جو مطالبو نه مڃڻ انصاف جي گهرجن خلاف آهي.
لاهور ۾ وزيراعظم شهباز شريف جي صدارت هيٺ اتحادي پارٽين جي اڳواڻن جو اهم اجلاس ٿيو، جنهن ۾ ن ليگ اڳواڻ نواز شريف به وڊيو لنڪ ذريعي شرڪت ڪئي.
پارٽي ذريعن موجب وڊيو لنڪ ذريعي ٿيندڙ اهم اجلاس ۾ شريڪ چيئرمين پيپلز پارٽي ۽ اڳوڻي صدر آصف علي زرداري، پ پ چيئرمين ۽ پرڏيهي وزير بلاول ڀٽو زرداري، جي يو آءِ ۽ پي ڊي ايم سربراهه مولانا فضل الرحمان، چوڌري سالڪ حسين، مريم نواز شرڪت ڪئي.
مريم نواز ۽ ايم ڪيو ايم جي خالد مقبول صديقي به شرڪت ڪئي، جڏهن ته پاڪستان مسلم ليگ ن جي اڳواڻ اڳوڻي وزيراعظم نواز شريف به وڊيو لنڪ ذريعي اهم اجلاس ۾ شرڪت ڪئي.
وزيراعظم جي مدد لاءِ اجلاس ۾ قانون واري وفاقي وزير شاهد خاقان عباسي، سينيٽر اعظم نذير تارڙ، عطاءُ الله تارڙ، ملڪ احمد خان ۽ اٽارني جنرل پڻ شرڪت ڪئي.
اهم اجلاس ۾ ملڪ جي موجوده سياسي ۽ آئيني صورتحال تي خيالن جي ڏي وٺ کان علاوه سپريم ڪورٽ ۾ پيدا ٿيندڙ صورتحال ۽ ٻن صوبن ۾ بلدياتي چونڊن بابت صلاح مشورا به اهم اجلاس جي ايجنڊا ۾ شامل هئا.
پي ڊي ايم ۽ اتحادي پارٽين جي اهم اجلاس جي اندروني ڪهاڻي سامهون اچي وئي جنهن ۾ نواز شريف سمورين سياسي پارٽين کي سپريم ڪورٽ جي 3 رڪني بينچ جو بائيڪاٽ ڪرڻ جي تجويز ڏني جنهن کي منظور ڪيو ويو.
