راجسٿان حادثي کانپوءِ هندستاني هوائي فوج مگ 21 فائٽر جهازن جي سموري فليٽ کي گرائونڊ ڪري ڇڏيو.
هن مهيني جي شروعات ۾ راجسٿان ۾ مگ 21 حادثي جي جاچ تائين سموري فليٽ کي گرائونڊ ڪيو ويو آهي، جنهن کي ‘فلائنگ تابوت’ طور سڃاتو وڃي ٿو.
ياد رهي ته 8 مئي تي سورت ڳڙهه ايئربيس تان اڏامندڙ مگ 21 جهاز هنومان ڳڙهه جي ڳوٺ ۾ ڪري تباهه ٿي ويو هو، جنهن ۾ 3 ڳوٺاڻا حياتيون وڃائي ويٺا هئا.
مگ 21 جا مختلف ماڊل گذريل 50 سالن کان انڊين ايئر فورس جو حصو آهن.
هاڻي هندستاني هوائي فوج ۾ صرف 3 مگ 21 اسڪواڊرن آهن ۽ اهي سڀئي 2025 ۾ رٽائر ٿي ويندا.
مگ 21 جهاز 1960ع ۾ هوائي فوج ۾ شامل ڪيا ويا ۽ هينئر تائين 800 جهاز هندستاني هوائي فوج جو حصو بڻجي چڪا آهن.
