آمريڪا بنگلاديش لاءِ ويزا پاليسي کي جمهوري قدرن سان ڳنڍي ڇڏيو آهي.
آمريڪي پرڏيهي وزير چيو ته نئين ويزا پاليسي بنگلاديش ۾ آزاد، شفاف ۽ پرامن قومي چونڊن جي حمايت ڪرڻ آهي، جمهوري چونڊ عمل کي نقصان پهچائڻ وارن کي آمريڪي ويزا نه ملندي.
سماجي رابطن واري ويب سائيٽ ٽوئيٽر تي پنهنجي بيان ۾ هن چيو ته پاليسي اختيارين، سڪيورٽي فورسز، عدليه ۽ سياسي اڳواڻن تي لاڳو ڪئي ويندي، جمهوري قدرن کي سبوتاز ڪرڻ وارن عنصرن ۾ چونڊ ڌانڌلي ۽ ووٽر کي ڌمڪيون شامل آهن.
انٽوني بلنڪن چيو ته سياسي پارٽين، ووٽرن، سول سوسائٽي ۽ ميڊيا کي پنهنجو موقف پيش ڪرڻ کان روڪڻ برداشت نه ڪيو ويندو.
واضح رهي ته بنگلاديش ۾ جنوري ۾ چونڊون ٿينديون، اپوزيشن پارٽين وزيراعظم شيخ حسينه واجد کان عبوري حڪومت قائم ڪرڻ جو مطالبو ڪيو آهي.
