يونان ٻيڙي حادثي ۾ بچي ويل پاڪستانين چيو آهي ته سياحن جي ٻيڙي ڄاڻي واڻي ٻوڙي وئي، ڪوسٽ گارڊ ڄاڻي واڻي بچاءُ نه ڪيو.
هڪ وڊيو پيغام ۾ يونان ٻيڙي حادثي ۾ بچي ويل پاڪستاني جو چوڻ هو ته جهاز ۽ هيلي ڪاپٽر چوڌاري گهمي رهيا هئا پر ڪنهن به مدد نه ڪئي.
هڪ شامي پناهگير عياد، اهو پڻ چيو ته يوناني ڪوسٽ گارڊز ماڻهن کي 3 ڪلاڪن تائين ٻڏندي ڏٺو، انهن کي مارڻ لاءِ خاموشي اختيار ڪئي.
ٻيڙي حادثي ۾ وڏي جاني نقصان ۾ يوناني ڪوسٽ گارڊ جو ڪردار سامهون آيو.
برطانوي نشرياتي اداري يوناني ڪوسٽ گارڊ جي ڪوڙي دعويٰ کي رد ڪري ڇڏيو ته ٻيڙي ٻڏي وڃڻ کان اڳ اٽلي ڏانهن وڃي رهي هئي ۽ بچاءُ جي ضرورت نه هئي.
سامونڊي ڊيٽا ڏيکاري ٿو ته ٻيڙي ٻڏڻ کان اڳ 7 ڪلاڪن تائين هڪ جاءِ تي رهي.
