بالي ووڊ ڪنگ شاهه رخ خان جي تازي رليز ٿيل فلم ”جوان“ اڄ به سندس مداحن جي ڌيان ۾ آهي، جنهن هاڻي انٽرنيٽ سينسيشن ڪالي پال ۽ سندس ڀيڻ نيما پال کي به پنهنجي لپيٽ ۾ آڻي ڇڏيو آهي.
تنزانيا جو مشهور ٽِڪ ٽاڪڪر ڪالي پال ۽ سندس ڀيڻ نيما پال به هاڻي فلم ’جوان‘ جي بخار ۾ ڦاٿل آهن ۽ فلم جي مشهور گاني ’نات رامايا واسٽاوايا‘ تي پنهنجي هڪ وڊيو سوشل ميڊيا تي شيئر ڪئي آهي.
وڊيو ۾ ٻنهي ڀائر ۽ ڀينرن کي پنهنجي روايتي لباس ۾ هندستاني فلم ’جوان‘ جي گاني ’نات راميا واستاوا‘ جو اسٽيپ پرفارم ڪندي نظر اچي رهيو آهي.
ڪالي پال ۽ نيما پال جي مٿين وڊيو سوشل ميڊيا تي گردش ڪندي جلد ئي ڪنگ خان جو ڌيان پڻ ڇڪائڻ ۾ ڪامياب ٿي وئي.
سوشل ميڊيا پليٽ فارم ايڪس (اڳوڻي Twitter) تي هڪ صارف وڊيو شيئر ڪئي ۽ ڪنگ خان کي ٽيگ ڪيو ته سندس ڊانس تي راءِ طلب ڪئي وئي.
ڪنگ خان به اها وڊيو پنهنجي سوشل ميڊيا اڪائونٽ تي ٻيهر شيئر ڪئي ۽ سندس ڊانس اسٽيپس جي واکاڻ ڪئي.
