![](https://dailyaas.com.pk/wp-content/uploads/2020/10/121648029_794782041285466_4465813582680672424_n-e1602873761320.jpg)
گوجرانوالا : پ پ چيئرمين بلاول ڀٽو زرداري ۽ ن ليگ نائب صدر مريم نواز گوجرانوالا ۾ ٿيندڙ پاڪستان ڊيموڪريٽڪ موومينٽ جي جلسي گاهه پهچي ويا. پنجاب جي ضلعي گوجرانوالا ۾ اپوزيشن جماعتن جي اتحاد پي ڊي ايم جي جلسي ۾ شرڪت لاءِ مريم نواز جاتي امرا کان قافلي جي صورت ۾ رواني ٿي، جيڪا مختلف هنڌن کان ٿيندي گوجرانوالا پهتي آهي. جلسي گاهه پهچڻ تي اتي موجود پارٽي قيادت ۽ ڪارڪنن مريم نواز جو مانائتو آڌرڀاءُ ڪيو. ان کانپوءِ پ پ چيئرمين بلاول ڀٽو زرداري به جلسي گاهه پهچي ويو، هو لاله موسيٰ کان گوجرانوالا پهتو، سندس قافلو مريم نواز جي قافلي کان ڪجهه دير پوءِ جلسي گاهه ۾ داخل ٿيو.