ڪراچي(اسٽاف رپورٽر) پاڪستان پيپلز پارٽي جو چيئرمين بلاول ڀٽو زرداري سنڌ پوليس سان ٻڌي جي اظهار لاءِ انسپڪٽر جنرل (آءِ جي) هائوس جو دورو ڪيو.بلاول ڀٽو زرداري سان سنڌ پوليس جي اعليٰ آفيسرن ملاقات ڪئي جڏهن ته ان موقعي تي سنڌ جو وڏو وزير سيد مراد علي شاهه ۽ سڌُ سماءَ وارو وزير ناصر حسين شاهه به ساڻس گڏ هئا.بلاول ڀٽو زرداري سماجي رابطن واري ويب سائيٽ ٽوئيٽر تي پنهنجي ٽوئيٽ ۾ چيو آهي ته سنڌ پوليس سان بيٺو آهيان ۽ ٻڌي جو اظهار ڪيان ٿو.هن هيش ٽيگ #Westandwithsindhpolice استعمال ڪيو ۽ عوام کان به ان حوالي سان راءِ پڇي.
