راڻيپور ۾ سني رابطه ڪائونسل پاران فرانس خلاف تحفظ ناموس رسالت ريلي سوين ماڻهن کي جهنڊا هٿن ۾ محمد عربي جي شان ۾ نعرا گستاخي ڪرڻ خلاف مظاهرو رپورٽ موجب:راڻيپور ۾ سني رابطه ڪائونسل پاران مولانا جميل احمد عثماني ,غازي غلام عباس,مولانا صفدر جعفري جي اڳواڻي ۾ تحفظ ناموس رسالت نالي هڪ ريلي ڪڍي وئي جيڪا ريلي مسجد اُم عائشه کان انٽرنيشنل پريس ڪلب تان ٿيندي فاروق اعظم چوڪ عباسي محلا ۾ اختتام پذير ٿي جڏهن ته ٻين اڳواڻن ۾ مولانا محمد اسمائيل بروهي,مولانا عبدالرب لنڊ ,نسيم وساڻ ,گداحسين دايو,مونالا ذبيح الله,تاج محمد حنفي,مولانا نجيب الله ۽ ٻيا پڻ شامل هئا انهئ موقعي تي شريڪ اڳواڻن پنهنجي خطاب ۾ چيو ته فرانس ۾ گستاخانا خاڪا ٺاهي عالم اسلام جي جذبات کي مجروح ڪيو ويو آهي فرانس جي اهڙي عمل تي اسين مسلمان شديد مذمت ڪريون ٿا ۽ حڪومت پاڪستان کي گهرجي ته انهئ گستاخ رسول جي سفير کي ملڪ بدر ڪيو وڃي هنن وڌيڪ چيو ته پشاور واري بم ڌماڪي جي واقعي ۾ ملوث شرپسند ملڪ دشمن عناصرن کي گرفتار ڪري ڪيفر ڪردار تائين پهچايو وڃي جڏهن ته ريلي شريڪ سوين ماڻهن کي سني تحريڪ جا جهنڊا هٿن ۾ هئا جيڪي حضرت محمد صلي الله عليه وسلم جي شان ۾ نعريبازي ڪندا رهيا ته رسول پاڪ سچو نبي آهي ۽ اسين انهئ جا پيروڪار امتي آهيون رسول پاڪ جي شان ۾ ڪابه گستاخي برداشت نٿا ڪري سگهون
