گڏيل قومن جي سيڪريٽري جنرل انتونيو گوتريس چيو آهي ته دنيا هن وقت ڪورونا وائرس جي عالمي وبا خلاف جنگ جي حالت ۾ آهي.
جنيوا ۾ صحت جي عالمي اداري جي سالياني اجتماع کي خطاب ڪندي انتونيو گوتريس چيو ته اها جنگ کٽڻ لاءِ عالمي برادري کي پنهنجي جدوجهد ۾ جنگ جو منطق اختيار ڪرڻو پوندو.
هن چيو ته ڪورونا جي عالمي وبا خلاف ڪاميابي لاءِ عالمي برادري کي پنهنجا ”هٿيار“ ائين ئي استعمال ڪرڻا پوندا، جيئن جنگ جي حالت ۾ ڪيا ويندا آهن.
واضح رهي ته ڊبليو ايڇ او جي رڪن ملڪن جو انگ 194 آهي ۽ اهي سڀ ٿيندڙ ورچوئل اجلاس ۾ شريڪ آهن، صحت بابت اها عالمي اسيمبلي پهرين جون تائين جاري رهندي.
