پاڪستان اسٽاڪ ايڪسچينج ۾ هنڊريڊ انڊيڪس پهريون ڀيرو 68 هزار پوائنٽس جي حد پار ڪري وئي
اڄ صبح سان ئي ڪاروبار ۾ تيزي ڏسڻ لاءِ ملي، 4 سئو کان وڌيڪ پوائنٽس جي اضافي سان انڊيڪس ملڪي تاريخ ۾ پهريون ڀيرو 68 هزار پوائنٽس کان وڌي وئي
ماهرن موجب ڪاروبار ۾ تيزي جو سبب معاشي شعبي ۾ ٿيل اڳڀرايون آهن، رمضان ۾ عام طور ڪاروبار محدود ٿيندو آهي، پر آءِ ايم ايف سان اسٽاف ليول معاهدو ٿيڻ سبب ڪاروبار ۾ تيزي آئي آهي
حڪومت جي معاشي سڌارن واري ايجنڊا سبب به سيڙپڪارن جي اعتماد ۾ اضافو ٿيو، عيد کانپوءِ وچ اوڀر جي ملڪن پاران سيڙپڪاري جي خبرن به مارڪيٽ ۾ مثبت رجحان پيدا ڪيو
پرڏيهي سيڙپڪارن پاران گذريل مهيني 8 ڪروڙ 40 لک ڊالرز جي سيڙپڪاري ڪئي وئي، ان به مثبت رجحان کي هٿي ڏني
