وڏي وزير مراد علي شاهه ڪراچي ۾ ڏيڍ ڪروڙ روپين جي ڦر دوران مزاحمت تي 2 شهرين جي مارجي وڃڻ واري واقعي جو نوٽيس ورتو، آءِ جي سنڌ کي رپورٽ پيش ڪرڻ جو حڪم، وڏي وزير چيو آهي ته اهڙا واقعا قبول ڪرڻ جوڳا نه آهن، جن علائقن ۾ ڏوهه وڌيڪ آهن اتي پوليس جو گشت وڌايو وڃي، صوبائي گهرو وزير ضياءَ لنجار واقعي بعد علائقي جي ايس ايڇ او کي هٽائڻ جو حڪم ڏئي ڇڏيو، سائيٽ واري علائقي ۾ پولٽري فارم جا ملازم شير عالم ۽ ذاڪر هڪ ڪروڙ 35 لک روپين جي رقم بينڪ کڻي وڃي رهيا هئا ته هٿياربندن کين روڪي ورتو، مزاحمت تي فائرنگ ۾ شير عالم ۽ ذاڪر مارجي ويا، ايس ايس پي ڪياماڙي فيضان علي جو چوڻ آهي ته ايڏي ڳري رقم منتقل ڪرڻ بابت پوليس کي آگاهه نه ڪيو ويو هو، واقعي واري هنڌ تان نائين ايم ايم پسٽل ۽ رائيفل جي گولين جا خول مليا، سچل جي علائقي سڪندر ڳوٺ ۾ به موٽرسائيڪل سوار هٿياربندن جي گاڏي تي فائرنگ ۾ هڪ ڄڻو مارجي ويو، واقعي جا سي سي ٽي وي فٽيج سامهون اچي ويا، هٿياربندن گاڏيءَ ۾ سوار عورتن جي سامهون شجاعت علي کي گوليون هڻي قتل ڪيو، پوليس جو چوڻ آهي ته واقعو ذاتي دشمني جو نتيجو لڳي ٿو
